我回应“我係丫！请问乜事呢？”
女声仍然好认真“你女朋友撞车入左黎医院！”
我听到撞车两隻字劲紧张回应“乜话？係边度撞丫？严吾严重丫！宜家点丫！”
女声好慢好认真咁讲“先生，请你有心理准备，佢宜家情况好严重啊，手手脚脚全部断哂丫！麻烦你尽快黎医院见佢最后一面啦！”
我听到『心理准备』依句，双眼开始流泪“咩话断哂？最后一面？咁宜家係边间医院丫？我即刻过?！”
“加尔斯医院！你尽快过黎啦！”
“请问佢屋企人知道左未架？”
“um…係度，佢爸爸妈妈都係哂度！你唔需要再通知佢地架！”
我一收线双眼仍然眼湿湿咁，真係好惊，一定係个仆街司机搞到全港交通乱哂，阿怡先会出事！我拿拿林拎埋银包手机，连妈妈都废事通知声，就行后门走人。
係搭车期间，脑海中都係谂紧阿怡，我暗恋左老婆仔咁多年，岩岩先一齐左都唔够半个月，无可能咁就玩完架，老天爷你唔好咁残酷啊！我仲要同阿怡结婚生bb架，千其唔好俾佢死丫！
一落车，我直奔入医院去，入到去医院正口见到劲多人係度，有d係度喊，有d係度狂拍地下，有d个样好似死老豆咁，但我无理会佢地，冲埋去询问处度。
然后问护士“请问钟家怡係几号房丫？”
护士对住个电脑禁两禁，然后对住我讲“先生，无依位病人喎！”
我好紧张拍哂?继续问“无理由架，头先撞车入黎架，你地既护士头先打俾我通知我架！”
“先生，今日撞车既伤者，有成102位，暂时依102位伤者都无一位叫钟家怡喎！”
“下！”
“唔好意思先生，我地宜家好忙，或者你试下再打俾佢问下！”个护士一路做一路应我。
“唉！”我都废事理佢，一d都唔尊重人既。
于是我係医院行黎行去，好紧张一路行一路打电话俾阿怡，究竟发生乜事丫！
係我最徬徨既时候，突然间后面传黎一声『老公』，好熟识丫依把声，阿怡？
我即刻转身一望，真係本站随时可能失效记住:
收藏以备不时之需！！！